Династия педагогической семьи Паршуковых
Антонида Фёдоровна Паршукова (Чупрова) (1931–2008)
Заводитчис тайö династияыс Паршукова (Чупрова) Антонида Фёдоровнасянь. Куим арöссянь коляс мамтöг, быдмас Öдуш дiнын (ичинь водз) Мутнöй Материк сиктын. Школа бöрын деньга абутöм вöсна пырас велöдчыны кык вося учительскöй институтö, сійöс помалас 1952 воын. И мöдöдасны уджавны Мысö.
Нэмыс велöдiс география, биология да химия. Велöдлöма и мукöд предметъяс, весиг немецкöй кыв. Том дырйиыс вöлöма зэв мича кыз кöсаяса. Вöлi зэв вежавидзысь, рам, но требовательнöй.
 Антонида Фёдоровна Паршукова аслас класскöд. 1972 воын тайö челядьыс помаласны Мысса школа |
Нина Александровна Шомысова (Паршукова)
Медыджыд ныв Паршукова Антонида Фёдоровналöн. Помаліс Сыктывкарса КГПИ география да биология факультет. Пожöг шöр школаын велöдiс география, корсюрö вежлавлiс биологияысь велöдысьясöс, нуöдлiс нывъяслы труд урокъяс, «Этика и психология семейной жизни», 14 во нуöдiс тшöтш история 5–6 классъясын. Стажыс 39 во. Лэдзис паськыд олöмö квайт класс.
Валентин Александрович Паршуков
Валентин Александрович Паршуков – Антонида Фёдоровналöн пи. КГПИ помалöм бöрын лоис трудысь, черчениеысь да рисованиеысь велöдысьöн. Вöлi тшöтш директорöн Мысса школаын, кöнi уджалiс сиктсöветса председательö бöрйытöдз.
Людмила Леонидовна Паршукова (Тарабукина)
Людмила Леонидовна Паршукова (Тарабукина) – Антонида Фёдоровналöн монь, Валентин Александровичлöн гöтыр. Ыджыд буквасянь Велöдысь. Помалiс педколледж. Кык во школаын уджалыштöм бöрын пырис велöдчыны КГПИ-ö, лоис роч кыв да литература велöдысьöн. Но нэмыс уджалiс коми кыв да коми литература велöдысьöн. Директоралiс Мысса школаын некымын во. Уджалан стажыс 36 во.
Леонид Александрович Паршуков
Паршуков Леонид Александрович – Антонида Фёдоровналöн мöд пи. КГПИ помалöм бöрын воис аслас школаö труд, рисование да черчение велöдысьöн. Мысса школаын велöдіс не сöмын ассьыс предметъяссö, но и природоведение да биология, ОПТ да физкультура, математика да физика. Бöръя помыс лои öти во велöдны Шöръяг посёлокын да нуöдны сэні содтöд география да химия. Уджалан стажыс лоис 27 во.
Леонид Александрович Мысса школаын, 2005 во |
Леонид Александрович аслас Шöръягса выпускникъяскöд, 2019 во |
Татьяна Николаевна Паршукова (Холопова)
Татьяна Николаевна Паршукова (Холопова) – Леонид Александровичлöн гöтыр, Антонида Фёдоровналöн монь. Мысса школаын велöдö ичöт классъяс. Помавлiс финн-йöгра факультет СГУ-ын, куим во велöдiс Аныбын, сэсся воис Мысö. Вель уна во тані велöдіс роч кыв да литература гырысь классъясын. Стажыс чукöрмöма нин быдса 28 во.
Евгений Валентинович Паршуков
Паршуков Евгений Валентинович – пи Валентин Александровичлöн да Людмила Леонидовналöн, внук Антонида Фёдоровналöн. Армияысь локтöм бöрын велöдчис педколледжын, а сэсся СГУ физкультура факультет помалöм бöрын лои физкультураысь велöдысьöн, матö 10 во нуöдiс физкультура урокъяс Эжваса ПТУ-ын.
Елена Валентиновна Паршукова
Елена Валентиновна Паршукова – ныв Валентин Александровичлöн да Людмила Леонидовналöн, внучка Антонида Фёдоровналöн. Школа бöрын пырис велöдчыны педколледжö, сэсся велöдчис КГПИ-ын, лои ичöт класса челядьöс велöдысьöн, сизим во велöдіс роч кыв да литература Мысса школаын да нуöдіс завучлысь удж. Öнi уджалö юркарса детсадйын воспитательöн.
Ангелина Валентиновна Филиппова (Паршукова)
Ангелина Валентиновна Филиппова (Паршукова) – ныв Валентин Александровичлöн да Людмила Леонидовналöн, внучка Антонида Фёдоровналöн. Помалiс СГУ-са финн-йöгра факультет. Некымын во уджалiс велöдысьöн торгово- экономическöй колледжын. Öнi уджалö 21 номера юркарса школаын библиотекаöн веськöдлысьöн.
Александра Михайловна Паршукова (Литвинова)
Александра Михайловна Паршукова (Литвинова) – Евгений Валентиновичлöн гöтырыс, Валентин Александровичлöн монь. Помалic педколледж, сэсся КГПИ, босьтiс ичöт класса велöдысьлысь да психологлысь профессия.
Алексей Васильевич Паршуков
Паршуков Алексей Васильевич – Антонида Фёдоровна верöслöн вок, Валентин Александровичлöн дядь. Армия бöрас пырис велöдчыны Москваса физкультурнöй институтö, ачыс штанга лэпталöмöн занимайтчис. Помалiс институтсö с «отличием», гöрд дипломöн. Велöдiс физкультура урокъяс юркар Эжва районса ПТУ-ын, сэсся 36 номера школаын.
Игорь пиыскöд, 1970 во. |
Лилия Афанасьевна Паршукова (Югова)
Лилия Афанасьевна Паршукова (Югова) – Алексей Васильевичлöн гöтыр. Вылыс тшупöда образование босьтöма Архангельск карын лесотехническöй институтын. 14 во велöдic юркарса Эжва районын ПТУ-ын (öнi техникум) сетiс студентъяслы тöдöмлунъяс, кыдзи колö вöчны бумага. Сэсся 14 во ЛПК бердын – научно-исследовательскöй лабораторияын. Пенсия вылö петöм бöрын матö 10 во уджалiс СГУ-са библиотекаын. Сылöн кык ыджыдджык чойыс велöдысьясöн жö вöлöмаöсь: Раиса Афанасьевна – математик, а Нина Афанасьевна – биолог-химик.
Елена Алексеевна Третьякова (Паршукова)
Елена Алексеевна Третьякова (Паршукова) помалiс КГПИ, лоис педагог-психологöн. Уджалö юркарса Коми национальнöй гимназияын. Елена Алексеевна – Алексей Васильевичлöн ныв, Антонида Фёдоровналöн племянница.
Нина Африкановна Паршукова (Попова)
Нина Африкановна Паршукова (Попова) – Валентин Александрович воча воклöн да Антонида Фёдоровна племянниклöн гöтыр. Нина Африкановна уна во уджалiс посни челядькöд сад-яслиын, сэсся школаын. Куш сöмын школаса стажыс 16 во, а ставнас чукöрмöма 32 во. Медым лоны педагогöн помалiс педколледж, сэсся КГПИ.
Владимир Леонидович Паршуков
Владимир Леонидович Паршуков – Нина Африкановна да Антонида Фёдоровна племянниклöн пи, социальнöй педагог. Педколледжса диплом босьтöм бöрын вель уна вын пуктiс батьтöм-мамтöм челядькöд уджалöмö Зимстан посёлокса детдомын. Öнi туйдö-велöдö олöмас кутчысьны студентъясöс юркар Эжва районса ПТУ-ын. 16 во уджалан стажыс.
Ольга Владимировна Богданова (Паршукова)
Ольга Владимировна Богданова (Паршукова) –Антонида Фёдоровналöн внучка. СГУ помалöм бöрын лоис химия да биология предметъясысь велöдысьöн, нуöдiс химия урокъяс Визиндорын. Öнi Сысольскöй районса РУО-ын уджалö инспекторöн.